Brauzerni qurilmalar orasida sinxronlash

Sinxronlash ‒ bu qurilmalaringizdagi brauzerlar o‘rtasida ma’lumot almashish. Ma’lumotlarni vaqtincha saqlash uchun Yandex serveri ishlatiladi, u yerga ma’lumotlar himoyalangan kanal orqali, parollar esa ‒ shifrlangan shaklda uzatiladi. Serverdagi ma’lumotlar avtorizatsiya tizimi bilan himoyalangan. Sinxronlash qurilma yo‘qolsa yoki buzilsa, barcha qurilmangizga kirish va ma’lumotlarni tiklash imkonini taqdim etadi.

Sinxronlash nimaga kerak?

Odatiy sozlamalarda Tablo, xatchoʻplar, parollar, xaritalar, avtomatik kiritish ma’lumotlari, tarix, varaqlar va varaqlar guruhlari (agar ularni guruhlar menyusida bulutli qilgan bo‘lsangiz), kengaytmalar va sozlamalar sinxronlanadi.

Sinxronizatsiya quyidagi imkoniyatlarni beradi:

• sinxronlangan qurilmalarda parollar menejeridan foydalanish (parollarni avtomatik qo‘yish, parollarni shifrlangan omborda saqlash, saytga kirish imkoniyatini tiklash, asosiy parolni esdan chiqargan bo‘lsangiz);

• sinxronlangan qurilmalarda varaqlar va varaqlar guruhlari (agar ularni guruhlar menyusida bulutli qilgan boʻlsangiz), tarix va xatchoʻplarni koʻrish;

• hatto qurilmangiz ishdan chiqsa ham parollar, xatchoʻplar, Tab, varaqlar va Brauzer sozlamalarini tiklash.

Istalgan vaqtda sinxronlashni faolsizlantirishingiz yoki sinxronlamoqchi bo‘lgan ma’lumotlar ro‘yxatini o‘zgartirishingiz mumkin.

Ma’lumotlar qanchalik tez sinxronlanadi?

Sinxronlashni yoqqaningizdan keyin serverda saqlanadigan ma’lumotlarni o‘zgartirganingizda u har gal amalga oshiriladi. Masalan: smartfonga bukmark kiritsangiz — Brauzer uni serverga yuboradi va bir vaqtning o‘zida boshqa qurilmalarda kiritgan barcha o‘zgartirishlaringizni yuklab oladi (oxirgi sinxronlash vaqtidan boshlab).

Sinxronlashni qanday yoqish mumkin?

Quyidagi shartlar bajarilganida sinxronlash ishlaydi:

• Barcha qurilmalarda (kompyuter, smartfon, planshet) Yandex Brauzer o‘rnatilgan;

• Barcha qurilmalarda Yandex ID bir xil boʻlsa.

Sinxronizatsiyani yoqish uchun:

1.  → Ma’lumotlarni saqlash tugmasini bosing.

   Sharh

   Agar Ma’lumotlarni saqlash tugmalari mavjud boʻlmasa, sinxronlash allaqachon yoqilgan.

2. Ochilgan oynada kerakli hisobni tanlang va Yandex ID bilan kiring.

3. ustiga bosing, keyin profilingiz rasmi ustiga bosing.

4. Qaysi maʼlumotlarni sinxronlash kerak ekanini koʻrsating.

Sinxronlash yoqilmayapti

Windows 7

Boshqa Windows versiyalari

Brauzer operatsion tizimga oʻrnatilgan sertifikatlardan foydalanadi, shuning uchun sertifikat muammosini tizimning oʻzida hal etish lozim:

1. 32-bit Windows 7 yoki 64-bit Windows 7 uchun yangilanishlar paketini yuklab oling.

2. Yangilanish paketini ishga tushiring va oʻrnatilib boʻlguncha kuting.

3. Kompyuterni qayta ishga tushiring va sinxronizatsiyani yoqing.

4. Agar sinxronlash yoqilmasa, sertifikatni oddiy usulda yangilang:

   1. Arxivni yuklab oling.

   2. Uni qulay joyda oching.

   3. certificate update jildini oching.

   4. Sichqonchaning oʻng tugmasi bilan update.bat faylga bosing va Administrator sifatida ishga tushirish bandini tanlang.

   5. Buyruqlarni bajarib boʻlgach, kompyuterni qayta ishga tushiring va sinxronizatsiyani yoqing.

Brauzerni yangilab koʻring. Agar bu yordam bermasa, bizga bu haqida xabar bering.

Sinxronlash uchun ma’lumotlar ro‘yxatini o‘zgartirish

1.  → Sozlamalar → Umumiy sozlamalar → Sinxronlash sozlamalari tugmasini bosing.

2. Xususiyatni shunday yoqingki, u faqat kerakli ma’lumotlarni sinxronlasin.

Batafsil maʼlumot

• Tarixni sinxronlash

• Varaqlar va guruhlarni sinxronlash

• Xatcho‘plarni sinxronlash

Sinxronlangan ma’lumotlarni o‘chirish

Barcha sinxronlangan qurilmalardan ma’lumotlar qanday o‘chirib tashlanadi:

1.  → Sozlamalar → Umumiy sozlamalar → Sinxronlash sozlamalari tugmasini bosing.

2. Sinxronlangan ma’lumotlarni o‘chirib tashlashni bosing.

3. Ma’lumotlar oʻchirilsinmih? oynasida Ha, oʻchirilsin tugmasini bosing.

Shundan so‘ng, ma’lumotlaringiz serverdan, keyingi sinxronlash seansida esa — hisob qaydnomangizga ulangan barcha sinxronlangan qurilmalardan o‘chirib tashlanadi.

Sinxronlashni faolsizlantirish

1.  → Sozlamalar → Umumiy sozlamalar → Sinxronlash sozlamalari tugmasini bosing.

2. Sinxronlashni faolsizlantirish tugmasini bosing.

Yordam xizmatiga yozish