Muhim fayllarni avtomatik saqlash

Avtomatik saqlashga “Ish stoli”, “Hujjatlar” va “Rasmlar” jildlarini yoki istalgan boshqalarni ulang. Ushbu jildlardagi barcha o‘zgarishlar avtomatik ravishda Yandex Diskga yuklanadi. Shunda fayllaringiz yo‘qolmaydi, hatto kompyuterga biror narsa bo‘lsa ham.

Avtomatik saqlash funksiyasini faqat kompyuterda joylashgan jildlar uchun yoqish mumkin, lekin tashqi yoki tarmoq tashuvchilarida emas. Avtomatik saqlashning to‘g‘ri ishlashi uchun saqlanayotgan jild bilan doimiy aloqa zarur. Tarmoq saqlovchisi uni ta’minlay olmaydi.

Avtomatik saqlashni yoqish

1. Fayl → Sozlamalar menyusini oching.
2. Jildlarni avtomatik saqlash varag‘ini oching.
3. Yoqish tugmasini bosing. Ulanish ustasi ochiladi.
4. Agar “Ish stoli”, “Hujjatlar” va “Rasmlar” tizim jildlarini ulashni istasangiz, shunchaki Avtomatik saqlashni yoqish tugmasini bosing. Jildlar ro‘yxatini o‘zgartirish yoki boshqalarini ulash uchun Jildlarni tanlash tugmasini bosing.

Boshqa jildlarni ulash

Avtomatik saqlash funksiyasini yoqqan bo‘lsangiz, lekin yana bir nechta jildni ulamoqchi bo‘lsangiz:

1. Fayl → Sozlamalar menyusini oching.
2. Jildlarni avtomatik saqlash varag‘ini oching.
3. Jildlarni tahrirlash ustiga bosing.
4. Jild qo‘shish ustiga bosing.

Ulangan jildlar Diskda qayerda saqlanadi?

Diskda kompyuteringiz nomi yozilgan jild hosil bo‘ladi — masalan, “Alisa-PC kompyuteri”. Barcha ulangan jildlar shu jild ichida joylashadi.

Bu jildlarni boshqa kompyuterda qanday ko‘rish mumkin?

Boshqa kompyuterda bu jildlarni sinxronlash funksiyasini yoqing. Birinchi kompyuterdagi jildlar ikkinchi kompyuterdagi “Yandex Disk” jildida bo‘ladi.

1. Ikkinchi kompyuterda Yandex Disk dasturini oching.
2. Kerakli jildlarni ajrating.
3. Fayllar ro‘yxati yoki kontekst menyusidagi Kompyuterda saqlash tugmasini bosing.

Ayrim jildlarni avtomatik saqlash funksiyasidan uzish

1. Fayl → Sozlamalar menyusini oching.
2. Jildlarni avtomatik saqlash varag‘ini oching.
3. Jildlarni tahrirlash ustiga bosing.
4. Avtomatik saqlashni faolsizlantirmoqchi bo‘lgan jildingiz ro‘parasidagi belgisini bosing.
5. Tatbiq qilish ustiga bosing.

Agar tasodifan boshqa jildni uzgan bo‘lsangiz, uni qaytadan ulang — Jildni qo‘shish tugmasini bosing.

Ikki hisob uchun avtomatik saqlash

Yandex 360 tarif rejasida har bir dasturga ulangan hisob uchun jildlarni avtomatik saqlashni sozlash mumkin. U bir vaqtning o‘zida ishlaydi: joriy hisob va fonda.

Bitta jildni avtomatik saqlashga ikki marta ulash imkonsiz. Agar jild avtomatik saqlanayotgan hisobni o‘zgartirishni xohlasangiz, uni bir hisobda faolsizlantiring va boshqasida ulang.

Avtomatik saqlashni faolsizlantirish

1. Fayl → Sozlamalar menyusini oching.
2. Jildlarni avtomatik saqlash varag‘ini oching.
3. Jildlarni tahrirlash ustiga bosing.
4. Barcha jildlarni avtomatik saqlash funksiyasidan uzing — ularning qarshisidagi belgisini bosing.
5. Faolsizlantirish tugmasini bosing.