Eslatmalar
Eslatmalar – g‘oyalarni yozish va ishlarni rejalashtirish uchun xizmat. Yozuvlarni bir vaqtning o‘zida bir nechta qurilmada – masalan, kompyuter va telefonda amalga oshirish mumkin. Eslatmalar avtomatik Disk xotirasiga saqlanadi va qurilmalaringizga biror narsa yuz bersa, o‘chib ketmaydi.
Diqqat
Eslatmalar faqat Android 5 va undan yuqori versiyali qurilmalarda ishlaydi.
Eslatma yaratish
Eslatmalar varag‘ini oching va 
tugmasini bosing. Eslatma matnida mo‘ljal olish qulay bo‘lishi uchun uni rasmiylashtiring: matnni yarim qalin yoki kursiv bilan ajratib ko‘rsating, tagiga chizing yoki ro‘yxat bilan rasmiylashtiring. Eslatmaning maksimal uzunligi – 50 000 belgi.
Diqqat
Agar eslatma 50 000 belgidan oshsa, u faqat telefonda saqlanadi. Eslatma Diskka yuklanishi uchun uni kichraytiring.
Shuningdek, eslatmaga rasm yoki boshqa fayl qo‘shishingiz mumkin. Quyidagi rasm formatlari dastaklanadi: JPG, JPEG, GIF, BMP, PNG. Bitta eslatmaga 40 tagacha rasm joylashtirish mumkin.
Muhim eslatmalarni ro‘yxatning yuqori qismiga mahkamlang – shunda ular doimo ko‘z o‘ngingizda bo‘ladi. Buning uchun belgilab oling va yuqori o‘ng burchakdagi 
belgisini bosing.
Diqqat
500 tagacha eslatma yaratish mumkin.
Eslatmani o‘chirish
Agar eslatma ortiq kerak bo‘lmasa, uni o‘chiring – ajrating, yuqori o‘ng burchakdagi 
belgisini bosing va o‘chirilganini tasdiqlang.
Sharh
O‘chirilgan eslatmalarni tiklash imkonsiz.
Internetsiz Eslatmalar bilan ishlash
Eslatmalarni internetsiz tahrirlashingiz mumkin. Ular telefonda saqlanadi va 
belgisi bilan belgilanadi. Internet ishga tushgach, bu eslatmalar Diskka yuklanadi.
Agar faqat telefonda saqlangan qayd boshqa qurilmadan tahrirlansa, Yandex Disk bu eslatmaning nusxasini yaratadi. Asl eslatmada bir qurilmadagi, nusxada esa boshqa qurilmadagi o‘zgarishlar saqlanadi.
Turli qurilmalarda Eslatmalardan foydalanish
Agar bitta hisob bilan Diskka kirsangiz, Eslatmalardan bir nechta qurilmada – masalan, kompyuter va telefonda foydalanishingiz mumkin. Qaysi platformalarda Eslatmalar mavjudligini ko‘rish uchun Diskdagi eslatmalar bo‘limi bilan tanishing.
Agar bir xil eslatmani bir vaqtning o‘zida turli qurilmalarda tahrirlasangiz, Yandex Disk ushbu eslatmaning nusxasini yaratadi. Asl eslatmada bir qurilmadagi, nusxada esa boshqa qurilmadagi o‘zgarishlar saqlanadi.