Translatsiyalar

Translatsiya — tashkilotchilar va ma’ruzachilar (ishtirokchilar), shuningdek, tomoshabinlar ishtirok etadigan videouchrashuv. Translatsiyani oldindan rejalashtirish yoki birdan yaratish mumkin.

Translatsiyalar 500 nafargacha ishtirokchi va 10000 nafargacha tomoshabinni birlashtirishi mumkin. Maxsus qo‘shimcha ulansa, ishtirokchilar sonini 1000 nafargacha oshirish mumkin. Qanday ulanadi?.

Tashkilotning Asosiy yoki Ilg‘or tarifiga ulangan istalgan xodimi translatsiya yaratishi mumkin. Shu bilan birga u translatsiyaga ikkita havola oladi: ishtirokchilar va tomoshabinlar uchun. Tashkilotchi havola ulashganlarning hammasi havola orqali kirishi mumkin.

Telemostda API orqali ham biznes uchun translatsiyalar yaratish mumkin. Batafsil axborot uchun Telemost API Yandex ma’lumotnomasiga qarang.

Rejalashtirish

Translatsiyani oldindan rejalash va uni Taqvimga qo‘shish mumkin.

1. Telemostni oching.

2. Yangi translatsiya → Rejalash tugmasini bosing.

3. Translatsiya nomini kiriting (u tomoshabinlar sahifasida chiqadi) va tavsif qo‘shing.

4. Translatsiyaga ruxsat turini tanlang: Barcha foydalanuvchilar uchun yoki Faqat tashkilotingiz xodimlari uchun.

   Sharh

   Xodimlar uchun translatsiyaga faqat tashkilot domenida hisobi bor foydalanuvchilar qo‘shilishi mumkin. Tashkilotchi va hamtashkilotchilar translatsiya vaqtida ruxsatlarni boshqarishi mumkin.

5. Translatsiya qilish vaqti va sanasini ko‘rsating. Doimiy translatsiyani rejalashtirmoqchi bo‘lsangiz, Takrorlash opsiyasini yoqing.

6. Ishtirokchilarni qo‘shing va Yaratish tugmasini bosing.

Taqvimda ishtirokchilar va tomoshabinlar uchun ikkita havolali yangi voqea chiqadi. Bu voqea taqvimda barcha ishtirokchilarga avtomatik ko‘rinadi.

Tomoshabinlarga havolani alohida berish lozim, masalan, email orqali tarqatish, chatda yuborish yoki loyiha sahifasida joylash.

Rejalashtirilgan tadbirga bir soat qolganda havola orqali kirish mumkin, ammo undan oldin emas. Ulanish ekranida translatsiya holati — boshlangani yoki hali boshlanmagani haqida xabar chiqadi.

Yaratish

Translatsiyalarni oldindan rejalashtirmasdan darhol Telemostning boshlash ekranidan yaratish mumkin:

1. Yangi translatsiya → Hozir yaratish tugmasini bosing.
2. Translatsiya nomini kiriting va tavsif qo‘shing (u tomoshabinlar sahifasida chiqadi).
3. Yaratish tugmasini bosing. Siz avtomatik translatsiya tashkilotchisiga aylanasiz.

Translatsiyani joriy videouchrashuvdan ham yaratish mumkin.

Ishga tushirish

Rejalashtirilgan vaqti kelgan bo‘lsa ham translyatsiya avtomatik boshlanmaydi. Tashkilotchi Translatsiyani boshlash tugmasini bosishi va taxminan bir daqiqa kutishi kerak. To‘xtatilgan translatsiyani tiklashdan keyin ham shuncha kutish kerak bo‘ladi.

Boshqarish

Tashkilotchi va hamtashkilotchilar quyidagilarni bajarishlari mumkin:

• translatsiyani pauza qilish — Translatsiyani to‘xtatish tugmasini bosing;

• translatsiyani tiklash — Translatsiyani davom ettirish tugmasini bosing;

• translatsiya ishtirokchilarini (ma’ruzachilarni) havola asosida taklif qilish;

• tomoshabinlarga translyatsiya havolasini ulashish — Tomoshabinlar uchun havola tugmasini bosing yoki uni translatsiya chatidan nusxalang;

• translatsiyani tashqi foydalanuvchilar uchun ochish yoki faqat xodimlar uni ochishiga ruxsat berish — Efirda tugmasini bosing va ruxsat turini tanlang.

  Sharh

  Xodimlar uchun translatsiyaga faqat tashkilot domenida hisobi bor foydalanuvchilar qo‘shila oladi.

Ishtirokchilar

Videouchrashuv ishtirokchilari tashkilotchilarning havola orqali translatsiyaga ulanib, ma’ruzachi sifatida qatnashadi. Ularga quyidagilar mumkin:

• boshqa ishtirokchilarni havola asosida taklif qilish;
• tomoshabinlarga translatsiya havolasini ulashish.

Tomoshabinlar

Tomoshabinlarga quyidagilar mumkin:

• havolani ochish va kompyuter yoki mobil qurilmadagi brauzer orqali translatsiyani tomosha qilish;
• translatsiya havolasini boshqalarga ulashish.

Chatda muloqot

Tashkilotchilar, translatsiya ishtirokchilari va tomoshabinlar umumiy chatda gaplashishlari mumkin.