Veb-saytni video qidiruvga qanday kiritish mumkin
Diqqat
Qidiruvda sayt ko‘rinishi avtomatik shakllantiriladi. Belgi qo‘yish videorolikning qidiruv natijalarida chiqishini shakllantiradi, ammo buni kafolatlamaydi.
Videoni qidirish biz mustaqil ravishda qidiruv litsenziyasi asosida olgan ma‘lumotlarga, shuningdek, hamkorlardan olingan ma’lumotlarga asoslanadi.
Video qidiruv natijalarida biz foydalanuvchining soʻroviga eng mos keladigan videolarni tanlaymiz. Video kontentni qayta ishlash avtomatik ravishda — shunga o‘xshash veb-qidiruv tartiblash algoritmlari, so‘rovlarni tahlil qilish, spamni kamaytirish va hokazo, nomlar, tavsiflar, belgilar (teglar) va videolarning boshqa xususiyatlarini tahlil qilish asosida amalga oshiriladi.
Biz saytingizga maʼlum miqdordagi video tomoshalari va oʻtishlarni kafolatlamaymiz. Qidiruv natijalarining yuqorisida chiqishi uchun video foydalanuvchilarga qiziqarli boʻlishi va soʻrovga mos kelishi kerak. Videolaringizni sifatli belgilang: mos nomlarni tanlang, batafsil tavsiflardan foydalaning.
Hamkorlarga qoʻyiladigan talablar
Saytingizdagi videolar Yandex video qidiruvlariga kirishi uchun sayt bir nechta shartlarga javob berishi kerak:
- Videoroliklarda Yandex tizimiga ular haqidagi axborotni uzatish uchun belgilar mavjud.
- Sayt egasi unda foydalanuvchi bilan kelishuvni nashr qilgan yoki Yandex bilan axborot hamkorligi haqida maxsus kelishuv tuzgan.
- Taqiqlangan reklama mavjud emas.
- Sayt Yandex asosiy roboti tomonidan indeksatsiya qilingan.
Embed (iframe) texnologiyasidan foydalanish
2021-yil noyabrdan boshlab video qidiruvda embed (iframe) texnologiyasidan foydalaniladi, bunda manba saytga kirishsiz, sayt pleyeri koʻrsatiladi, lekin buning uchun quyidagi shartlarga javob berish lozim:
- Sayt egasi saytning foydalanuvchi bilan kelishuvida embed (iframe) texnologiyasidan foydalanib uchinchi tomon saytlariga oʻz pleyerini koʻrsatishga ruxsati borligini tasdiqladi.
- Sayt egasi Yandex bilan axborot hamkorligi haqida maxsus kelishuv tuzgan.
Shartnoma tuzishni tavsiya etamiz (yoki foydalanuvchi bilan kelishuvda tegishli bandlarni joylashtiring). Shunda sayt pleyeri bevosita Yandex qidiruv natijalari sahifasida koʻrsatiladi, videoroliklar esa foydalanuvchiga tezroq va saytga oʻtmasdan ijro etiladi. Natijada sayt yuqori darajaga koʻtariladi va eng yaxshi natijalarda tez-tez chiqariladi.
Kelishuv tuzilmagan saytlardan olingan videolar ham qidiruvda ishtirok etadi, ammo qidiruv natijalari sahifasida ijro etilmaydi — ularni ko'rish uchun saytga o'tish zarur. Aksariyat foydalanuvchilar uchun bu videodagi videoni tomosha qilishdan ko'ra qulayroqdir, shuning uchun bunday saytlar quyida keltirilgan va qidiruv natijalariga umuman kirmasligi mumkin.
Diqqat
Agar saytingizda faqat boshqa platformalardan olingan videolar ichki joylansa, Yandex bilan axborot hamkorligi haqida shartnoma tuzish yoki foydalanuvchi bilan kelishuv havolasini yuborishingiz shart emas. Qidiruv natijalarida bunday saytlarning video pleyeri chiqmaydi.
Siz oʻz saytingizning foydalanuvchi kelishuviga uchinchi tomonlarga embed (iframe) texnologiyasidan foydalanib saytingiz pleyerini uchinchi tomonlar resursarida namoyish etishga ruxsat beradigan shartlarni qoʻshishingiz mumkin.
Kontentga talablar va matn namunasi
Videokontent bor saytning (xizmat) foydalanuvchi kelishuvi matni oʻz ichiga saytga material yuklaydigan foydalanuvchilarning quyidagi shartlarga asoslangan roziligini olishi lozim:
- uchinchi tomonlarning oʻz saytlarida embed (iframe) texnologiyasi yordamida foydalanuvchi kontentini Xizmat pleyerida koʻrsatish huquqi;
- embed (iframe) texnologiyasidan foydalanib Xizmat pleyerida oʻz saytlaridagi kontentni koʻrsatadigan uchinchi tomonlarning foydalanuvchi kontentining vaqtinchalik texnik nusxalarini yaratishga boʻlgan huquqi;
- uchinchi tomonlarning oʻz saytlarida embed (iframe) texnologiyasi yordamida foydalanuvchi kontentini Xizmat pleyerida koʻrsatish, avtomatik vositalar yordamida foydalanuvchi videokontentining prevyusini yaratish huquqi;
- foydalanuvchining majburiyati Xizmatga faqat muallifi oʻzi boʻlgan yoki huquq egasi huquqi mavjud kontentni yuklash va ommaga taqdim etishdan iboratdir.
Matn namunasi
-
Uchinchi tomonlarga beriladigan huquqlar
Bizning xizmatlarimiz yordamida foydalanuvchi kontentini joylash orqali siz muallif yoki huquq egasi ekaningizga kafolat berasiz, shuningdek, har bir Xizmat foydalanuvchisiga oʻz Kontentingizga kirish va undan Xizmat funksionali doirasida foydalanish, jumladan, uni embed (iframe) texnologiyasi yordamida Xizmat pleyeri orqali uchinchi tomonlarning saytlarida aks ettirish uchun noeksklyuziv, bepul va butun dunyoda amal qiladigan litsenziya taqdim etasiz hamda kontentning vaqtinchalik texnik nusxalarini yaratish va bunday kontentning video prevyusiga ruxsat berasiz.
Agar bu kabi shartlar saytingizning foydalanuvchi bilan kelishuvida mavjud boʻlsa, Yandex bilan alohida kelishuv tuzish talab etilmaydi. Biroq, Yandex ayrim sayt turkunlariga embed (iframe) texnologiyasidan foydalangan holda kontentni koʻrsatishni majburiy shart sifatida shartnomaga kiritish huquqini oʻzida saqlab qoladi:
-
katta (video qidiruv natijalaridagi namoyishlar ulushi asosida);
-
katta hajmdagi maxsus (UGC) kontent bilan;
-
katta hajmdagi litsenziyalanadigan kontent bilan;
-
ilgari huquq egalari tomonidan shikoyat qilingan.
Koʻrsatilgan shartlarning borligini tekshirib koʻrishimiz uchun quyidagi shaklda foydalanuvchi bilan kelishuvingiz URL manzilini yozing.
Havolani yuborish
Kerakli hujjatlar
- Xabarnoma.
- Rozilik haqidagi xabarnomani imzolagan shaxs vakolatini tasdiqlaydigan hujjat. Masalan, ishonchnoma yoki bosh direktorni tayinlashga oid buyruq nusxasi.
- Saytning hamkorga tegishli ekanini tasdiqlaydigan guvohnoma yoki boshqa hujjatning nusxasi.
Hujjatlar qayerga yuboriladi
- Hujjatlarning skanerlangan variantlarini video-partners@yandex-team.ru elektron manziliga yuboring. Rozilik haqidagi xabarnomaning asl nusxasini va boshqa hujjatlarning nusxalarini quyidagi manzilga yuboring: 119021, Moskva sh., Lev Tolstoy k., 16.
Videolar qidiruvda qachon chiqadi
Agar ular haqidagi axborotni ishoralar yordamida yuborgan boʻlsangiz, Yandex videoni indekslaydi.
Yandex robotlari tomonidan sahifangizni indekslash tezligi turli omillarga bog‘liq. O‘rtacha olganda sahifangizga robotning kirishi va videongiz paydo bo‘lishi o‘rtasidagi vaqt taxminan bir haftani tashkil qiladi. Robot yirik saytlarga odatda ko‘proq va tezroq kirib chiqadi.
Ehtimol, sizning sahifalaringiz bizning kirib chiqishlar ro‘yxatimizda bo‘lmasligi yoki siz ularni uzoq vaqt davomida o‘zgartirmagansiz va robot saytingizga kamroq kira boshlagan bo‘lishi mumkin. O‘zgartirishlaringiz haqida bilishimizga yordam bering:
Video qidiruvda baribir ko‘rinmadi
Agar hamma narsani to‘g‘ri bajargan bo‘lsangiz (ishoralarni qo‘shgan, uni validatorimizda tekshirgan, robot saytga kirib chiqishini kutgan bo‘lsangiz), lekin video bizning qidiruvimizda baribir paydo bo‘lmasa — ehtimol, bizning algoritmlarimiz uni spam-urinish sifatida baholagan bo‘lishi mumkin. Bu quyidagi sabablarga ko‘ra sodir bo‘lishi mumkin:
-
videolaringiz juda ko‘p tafsiflangan (ko‘plab ommabop so‘zlar mavjud);
-
videolaringiz juda kam tavsiflangan;
-
video tavsifida normativdan tashqari leksika mavjud;
-
saytingiz bizning hamkorlik dasturimiz shartlariga javob bermaydi.
Sahifa mazmuni va video tavsifida biror narsani o‘zgartirishga harakat qiling va ularning qayta indekslanishini kuting.
Agar bizda nimadir xato ishlayotgan deb hisoblasangiz (natija kutilganidan farq qilsa) — video qidiruv texnik yordamiga yozing. Xabaringiz xizmat ishlab chiquvchilariga yuboriladi.
Video qidiruvda mening saytim chiqmadi
Agar savolingiz saytingizning Yandex umumiy qidiruvida chiqishiga oid bo‘lsa, Yandex Vebmaster aloqa sahifasidan foydalaning.