Market Yandex Go bilan shartnoma qanday tuzilgan
Agar ilgari Market Yandex Go bilan joylashtirish va tanitish bo‘yicha ikkita shartnoma tuzgan bo‘lsangiz
Hech narsani qayta tuzish shart emas: 2026-yil 1-yanvardan (Toshkent vaqti bilan soat 00:00 dan) joylashtirish shartnomasi qayta nomlanadi (bunda uning raqami saqlanib qoladi) va yangi tahrirda bayon etiladi, 2025-yil 31-dekabrdan (Toshkent vaqti bilan soat 23:59 dan) keyin rasmiylashtirilgan buyurtmalar uchun esa tanituv shartnomasi bo‘yicha xizmatlar ko‘rsatilmaydi.
Market Yandex Go‘da o‘z mahsulotlaringizni joylashtirishni boshlaganingizda, siz majburiy oferta shartnomasini qabul qilasiz — Market Yandex Go‘da mahsulot sotuvchilari uchun shartnoma.
|
Shartnomada buyurtmachi sifatida sotuvchi, ijrochi sifatida esa “YGO UB” MCHJ ishtirok etadi. |
Shartnoma tuzilishi
U hadli shartnoma va ish modellari bo‘yicha shartlar ilovasidan iborat.
Hadli shartnomada barcha ish modellariga tegishli bo‘lgan narsalar tasvirlangan. Masalan, shartnoma tuzish, yopuvchi hujjatlari bilan ishlash va ularni tuzatish, tomonlarning kafolatlari, majburiyatlari va javobgarligi, “YGO UB” MCHJ rekvizitlari.
Ish modellari bo‘yicha shartlar ilovasida FBY va FBS modellari uchun shartlar va tariflar to‘g‘risidagi ma’lumotlar keltirilgan.
Market Yandex Go shartnomaga o‘zgartirishlar kiritishi mumkin shartnomaga o‘zgartirishlar kiritishi mumkin
Agar ular marketpleysda ishlash sharoitingizni yomonlashtirsa, 10 kalendar kun oldin bildirishnoma olasiz. Bu haqda shartnomaning Yakunlovchi qoidalari bandida yozilgan.
Shartnoma predmeti
Ushbu shartnoma doirasida Market Yandex Go:
-
Xizmat ko‘rsatadi: tovar takliflarini vitrinaga joylashtiradi, buyurtmalarni qadoqlaydi va xaridorga yetkazib beradi, tovarlarni omborda saqlaydi, ortiqchalarini qabul qiladi va hokazo.
Saralash markazi shartnomada Ombor deb ataladi.
-
Sotuvchi hisobidan va uning nomidan topshiriqlarni bajaradi: xaridorlar bilan oldi-sotdi shartnomalarini tuzadi.
Xaridorlarni jalb qilish (masalan, ularga chegirmalar berish yoki aksiyalarda ishtirok etishni taklif qilish) Market Yandex Go tomonidan tovarlarni sotish bo‘yicha agentlik faoliyati doirasida o‘z nomidan amalga oshiriladi.
Chegirma aks ettiriladi
Xaridorga sotish haqidagi chekda.
Market Yandex Go sotuvchi oldida sotilgan tovarlar uchun hisobot beradi.
Shartnoma bo‘yicha yopuvchi hujjatlar sizga har oyda bir marta Didox platformasida yuboriladi. Yopuvchi hujjatlar paketi quyidagilardan iborat:
- xizmatlarni topshirish-qabul qilish dalolatnomasi,
- elektron hisobvaraq-faktura,
- topshiriqning bajarilishi, hisobga olish (ushlab qolish) va boshqa to‘lovlar to‘g‘risidagi hisobot.
O‘zaro hisob-kitob
Market Yandex Go xizmatlari uchun to‘lov sotuvchi tomonidan o‘zaro hisob-kitob shaklida amalga oshiriladi.
Faraz qilaylik, siz Market Yandex Go‘ga narxi 10000 so‘m bo‘lgan mahsulotni joylashtirdingiz. Market Yandex Go ushbu mahsulotga 1000 so‘m chegirma taqdim etdi. Market Yandex Go’ning buyurtma bilan ishlash va sotuvchining buyurtmalarini bajarish bo‘yicha xizmatlari narxi 500 so‘mni tashkil etadi.
U holda yakuniy hisob quyidagicha bo‘ladi: 9000+1000-500=9500.
Ya’ni, Market Yandex Go’da tovar sotuvchilari uchun tuzilgan shartnomaga ko‘ra (xaridorning to‘lovi va Market Yandex Go xizmatlari uchun chegirma summasi chegirib tashlangan holda) siz 9500 so‘m olasiz
To‘lov Market Yandex Go’da tovar sotuvchilari uchun shartnoma bo‘yicha bitta to‘lov topshiriqnomasi orqali amalga oshiriladi.
Shartnomaning asl nusxasini qog‘ozda olsam bo‘ladimi?
Yo‘q. Market Yandex Go do‘konlar bilan qog‘oz versiyasini nazarda tutmaydigan oferta shartnomasi bo‘yicha hamkorlik qiladi.