Doʻkon reytingi va ish sifati
Marketda doʻkonni tanlaganda uning koʻrsatkichlariga eʼtibor bering:
- Reyting xaridorlarning doʻkon tovarlariga sharhlari orqali shakllanadi.
- Ish sifati Market maʼlumotlari asosida baholanadi.
Reyting va sifat haqidagi axborot Marketning turli sahifalarida (masalan, tovar kartochkasida va doʻkon sahifasida) doʻkon nomi yonida aks etadi.
Reyting qanday hisoblanadi
Reyting doʻkon xaridorlarga qanchalik yoqishini koʻrsatadi. Hisoblashda foydalanuvchilarning doʻkon tovarlariga sharhlari inobatga olinadi. Barcha baholar koʻp bosqichli himoya tizimidan oʻtadi, ishonchsizlari bekor qilinadi. Market sharhlarni tahlil qiladi va doʻkon faoliyatiga aloqador boʻlmagan baholarni hisobga olmaydi. Masalan, agar muammo yetkazish sifatiga aloqador boʻlsa, sharh va baho olib tashlanadi.
Reytingni hisoblashda quyidagilar hisobga olinmaydi:
- yashirin va oʻchirib tashlangan tovarlar bahosi;
- bitta bahoga ega tovarlar.
Boshqa tovarlar uchun oxirgi 180 kunlik (agar ular bu davrda 50 tadan ortiq boʻlsa) yoki shu kungacha boʻlgan (agar ular kamroq boʻlsa) baholar hisobga olinadi. Avval har bitta tovar uchun alohidadan reyting hisoblanadi, keyin esa barcha tovarlarning oʻrtacha arifmetik bahosi hisoblanadi – bu doʻkon reytingi hisoblanadi.
Nima uchun doʻkonning reytingi yoʻq?
Reyting birorta ham tovari 2 yoki undan ortiq baho olmagan doʻkonlarda aks etmaydi.
Maslahat
Agar yetkazma vaqtida kelmagan boʻlsa, sizga boshqa tovar yetkazilgan yoki u yetkazish paytida shikastlangan boʻlsa, bu haqida profilingiz Buyurtmalar boʻlimida xabar berishingiz mumkin.
Agar sizni tovar sifati qoniqtirmagan boʻlsa, bu haqida tovarga sharhda yozib qoldiring. Sharh qoldirish haqida batafsil Tovarlar haqida sharhlar maqolasida tanishing.
Ish sifati qanday baholanadi
Doʻkon ish sifatida haqidagi axborotni koʻrish uchun uning nomi yonidagi 
belgisiga kursorni olib boring.
Sifatni baholash sotuvchining Market va xaridorlar bilan faoliyatining eng muhim jihatlariga asoslanadi. Masalan:
- u tovarlarni vaqtida olib keladimi yoki buyurtmani yetkazishga vaqtida topshiradimi;
- uning taʼminotidagi tovarlar yoʻqolmaydimi;
- u buyurtmalarni tez-tez bekor qiladimi;
- uning aybi va hokazo boʻyicha qaytarmalar koʻpmi.
Bu omillar sifatga turlicha taʼsir qiladi. Masalan, agar sotuvchi yaroqsiz tovarlar olib kelsa, bu yetkazish xizmatiga kechroq topshirilgan buyurtmalarga nisbatan uning sifatida kuchliroq aks etadi.
Sifatni baholashda sotuvchining oxirgi 30 kunlik faoliyati hisobga olinadi. Agar doʻkonda koʻrsatilgan davr uchun 100 va undan ortiq buyurtma qayta ishlangan boʻlsa, ish sifati aks etadi. Doʻkon faoliyati sifati haqidagi axborot, agar buyurtmalar kamroq boʻlsa, chiqmaydi.