Parametrlar bo‘yicha qidirish

Tasvir o‘lchami

Birlamchi ravishda xizmat istalgan o‘lchamdagi rasmlarni ko‘rsatadi. Ma’lum bir o‘lchamdagi rasmlarni topish uchun:

1. So‘rovni kiriting va Topish tugmasini bosing.

2. Oʻlcham filtri qiymatini sozlang:

   Kattalari — o‘lchami 1024 × 768 pikseldan yuqori rasmlar.
   O‘rtachalari — o‘lchami 400 × 300 dan 1024 × 768 pikselgacha bo‘lgan rasmlar.
   Kichiklari — o‘lchami 400 × 300 pikseldan kichik rasmlar.

Qidiruv natijalaridagi rasmlarda tasvir o‘lchamiga ega belgilar paydo bo‘ladi.

O‘lchamni qo‘lda berishingiz mumkin, buning uchun kerakli qiymatlarni kiriting va OK tugmasini bosing.

Joylashuv

Rasmlarning o‘zingiz xohlagan nisbatini aniqlang — gorizontal, vertikal yoki kvadrat:

1. So‘rovni kiriting va Topish tugmasini bosing.
2. Holat filtrining qiymatini sozlang:

Tasvir turi

Muayyan turdagi rasmni topish uchun:

1. So‘rovni kiriting va Topish tugmasini bosing.

2. Tur filtrining qiymatini sozlang:

   Fotosurat —fotosuratga o‘xshash boshqa tasvir va fotosuratlar. Qidiruv natijalaridagi sxema, xarita va boshqa grafikalarni istisno qilmoqchi bo‘lsangiz, bu filtrdan foydalaning.
   Oq fonli – bir xil oq fondagi obyektlar rasmlari.
   Rasm va chizmalar — obyekt grafik tasvirlari. Chizilgan rasm, eskiz, sxema, bo‘yoqlarni topishingiz zarur bo‘lsa, bu turdagi rasmni tanlang.
   Yuzlar — yuz tasvirini katta planda.
   Demotivatorlar — demotivator uslubidagi tasvirlar.

Tur va rang filtrlari kompyuter ko‘rish algoritmlari asosida ishlaydi. Har bir rasm tarkibi uning xarakteristikasini aniqlab beruvchi maxsus algoritmlar tomonidan tahlil qilinadi.

Ko‘p uchraydigan rang

Muayyan rangdagi obyekt yoki fon rasmini topishni xohlasangiz, Rang filtrida asosiy rang parametrini tanlang. Qulaylik uchun tonlar to‘qqizta asosiy rang bo‘yicha guruhlanadi. Shuningdek, faqat rangli yoki faqat oq-qora rasmlarni qidirish mumkin.

Fayl formati

Birlamchi ravishda xizmat istalgan formatdagi rasmlarni ko‘rsatadi. Ma’lum bir grafik formatdagi rasmlarni qidirish uchun:

1. So‘rovni kiriting va Topish tugmasini bosing.
2. Fayl filtrida ommabop formatlardan birini tanlang yoki Har qanday fayl qiymatini qoldiring.

Mahsulotlar

Kerakli mahsulotlarni topish uchun ushbu rejimdan foydalaning. Har bir mahsulot rasmi ostida narx va sotib olish mumkin boʻlgan doʻkon veb-sayti haqida maʼlumot beriladi:

1. So‘rovni kiriting va Topish tugmasini bosing.
2. Mahsulotlar filtrini tanlang.

Yangi

Faqat oxirgi haftada kiritilgan rasmlarni topish uchun:

1. So‘rovni kiriting va Topish tugmasini bosing.
2. Yangilari filtrini tanlang.

Qidiruv natijalaridagi rasmlarda ularning necha soat yoki kun oldinyuklangani koʻrsatiladi.

Agar so‘rovingiz bo‘yicha yangi rasmlar paydo bo‘lmasa, xizmat ularni boshqa qidiruv tizimlarida ko‘rishni taklif qiladi.

Ishchi stoldagi fon rasmlari

Fon rasmlari — bu kompyuter ishchi stoliga joylashtirish mumkin bo‘lgan rasmlar. Fon rasmlarining o‘lchami kompyuter ekranining standart aniqlik darajalariga mos keladi.

2560 x 1600 piksel oʻlchamdagi fon rasmlarini qidirish uchun:

1. So‘rovni kiriting va Topish tugmasini bosing.
2. Fon rasmi 2560x1600 filtrini tanlang.

Saytda qidirish

Ma’lum bir saytga joylashtirilgan rasmlarni qidirish uchun Saytdagi filtrni tanlang va kerakli manzilni ko‘rsating.