Yandexga kirishga oid muammolar

O‘z loginim yordamida kira olmayapman

Agar hisobingizga kira olmasangiz, bizning tavsiyalar bilan tanishib chiqing. Quyida har bir xato uchun ko‘rsatmalar tayyorladik.

Noaniq login-parol juftligi! Kirish imkoni bo‘lmadi.

Agar hozir yoki avval bir martalik parol bilan kirishdan foydalangan bo‘lsangiz, kirish uchun Yandex Kalit ilovasi yordamida yaratilgan bir martalik parol lozim bo‘ladi.

Login va parolni bevosita Yandex ID sahifasida kiriting. Caps Lock tugmasi bosilmaganiga va ingliz tilidagi klaviatura terilmasiga o‘tganingizga ishonch hosil qiling.

Sharh

Login va parolni almashinuv buferidan nusxalamasdan klaviaturada tering: siz ortiqcha probelni nusxalashingiz va kira olmasligingiz mumkin.

Kompyuterlarda xuddi mobil telefonlarda bo‘lgani kabi ayrim dasturlar (masalan, Punto Switcher) siz kiritgan belgilarni avtomatik ravishda o‘zgartirishi mumkin: klaviatura terilmasini o‘zgartirishi, katta harflarni kichiklariga almashtirishi, nuqtalardan keyin probel qo‘yishi va h. Parolni kiritishdan oldin imloviy xatolarni avtomatik tuzatish va klaviatura terilmasini o‘zgartirish ishga tushib ketmasligiga ishonch hosil qiling.

Bunday loginga ega foydalanuvchi mavjud emas

Kiritilgan loginga ega hisob mavjud emas yoki o‘chirilgan.

Yordam xizmatiga murojaat qilishdan oldin yana bir bor o‘z loginingizni qanday yozganingizni tekshiring:

• Login faqat lotin harflari, raqamlar, nuqta va chiziqlardan iborat boʻlishi mumkin.

• Agar siz pochta manzilini kiritsangiz, uni bexato koʻrsating: <sizning login>@yandex.uz.

• Siz faqat Yandex Pochta manzili orqali tizimga kirishingiz mumkin — Gmail yoki Mail.ru manzillari aniq mos kelmaydi.

Loginingiz bloklangan!

Loginni to‘g‘ri ko‘rsatganingizga ishonch hosil qiling. Agar login to‘g‘ri ekaniga ishonchingiz komil bo‘lsa, xato haqidagi xabardagi havola orqali yordam xizmatiga murojaat qiling.

Cookies xatosi

Brauzeringizda cookie fayllarni qayta ishlash faolsizlantirilgan bo‘lsa, Yandex tizimiga kirish imkoni bo‘lmaydi. Bu sozlama Cookie-fayllarni qabul qilishni sozlash bo‘limida yoritilgan.

Agar hech nima yordam bermasa

Parolni qayta tiklash uchun kirishni tiklash variantini sinab ko‘ring.

Parolni avtomatik ravishda asliga qaytarish yordam xizmatiga murojaat qilishga qaraganda osonroq va tezroq amalga oshadi, shuning uchun barcha imkoniyatlarni sinab ko‘ring. Agar sizda SMS yoki pochta manzili orqali kirish huquqini tiklash imkoniyati bo‘lmasa, nazorat savoliga javobni eslashga urining. Nazorat savoliga javob berganda javobni to‘g‘ri va kerakli klaviatura terilmasida kiritayotganingizga ishonch hosil qiling.

Agar kirishni qayta tiklashni mustaqil ravishda amalga oshirish imkoni bo‘lmasa, kirishni qayta tiklash uchun anketani to‘ldiring.

Ayrim ilovalar kutilmaganda hisobingizga kirish imkoniyatini yo‘qotdi

Agar parolni almashtirgan yoki Barcha kompyuterlarda chiqish havolasiga o‘tgan bo‘lsangiz, nafaqat brauzerda, balki hisobingizdan foydalanadigan ko‘plab ilovalarda hisobingizga qayta kirishingiz kerak bo‘ladi.

Yandex rasmdagi belgilarni kiritishimni so‘rayapti

Agar Yandex hisobga kirishda rasmdagi belgilarni kiritishni so‘rasa, bu sizning IP-manzilingizdan oxirgi paytlarda juda ko‘p marta xato parol kiritilganini anglatadi.

Buning sababi quyidagicha bo‘lishi mumkin:

• Siz Yandexda login va parolni qatorasiga bir necha marta noto‘g‘ri kiritgansiz.

• Lokal tarmoqning (ish yoki uy tarmog‘i) boshqa foydalanuvchilari login va parolni bir necha bor noto‘g‘ri terishgan. Ushbu muammoni hal qilish uchun tarmoq administratoriga murojaat qiling.

• Siz pochta dasturida (Outlook, Thunderbird, Mail, Operadagi pochta klienti va h.) noto‘g‘ri login va parolni ko‘rsatgansiz.

• Kompyuteringizda Yandex hisobingiz parolini aniqlashga urinayotgan virus mavjud. Bepul onlayn-antiviruslar yordamida kompyuteringizni viruslarga qarshi tekshirishni tavsiya etamiz. Ko‘pchilik antivirus ishlab chiqaruvchilari o‘z dasturlarning bepul versiyalarini taklif qiladilar.

Firefoxda «OCSP-javob hali haqiqiy emas» xatosini olayapman

Kompyuteringizda tizim vaqti noaniq ko‘rsatilgan. OT sozlamalaridagi vaqt mintaqasi sizning joylashuvingizga mos ekaniga ishonch hosil qiling va Yandex Vaqt yordamida vaqtni tekshiring.

Turli OTlarda vaqtni oʻrnatish haqida batafsil maʼlumotniSoat mintaqasi, sana va vaqtni sozlashboʻlimida oʻqish mumkin.

Yordam xizmatiga yozish