--- metadata: - name: generator content: Diplodoc Platform v5.50.5 alternate: - https://yandex.uz/support/id/ru/troubleshooting/blocked.md - https://yandex.uz/support/id/uz/troubleshooting/blocked.md --- > **Documentation Index:** Fetch the complete configuration index at https://yandex.uz/support/id/uz/llms.txt # Hisob bloklangan Hisob bilan kirish paytida bloklash haqidagi xabar paydo boʻlsa, mos turdagi hisob uchun tavsiyalardan foydalaning: - [Yandex hisobi](https://yandex.uz/support/id/uz/troubleshooting/blocked.md#yandex-mail) – agar toʻliq registratsiyadan oʻtib, hisobingiz uchun alohida login va parol yaratgan boʻlsangiz. Bunda email manzili `sizninghisobingiz@yandex.ru` (yoki `ya.ru`, `yandex.com` va boshqa) koʻrinishga ega boʻladi. - [Korporativ pochtaga ega hisob](https://yandex.uz/support/id/uz/troubleshooting/blocked.md#yandex360-mail) – [hisobni biznes uchun Yandex 360 ilovasida tashkilot administratori yaratadi](https://yandex.ru/support/business/add-users.html). Yandexdagi hisobingiz pochta manzilida `@` belgisidan keyin tashkilotingiz nomi turadi. - [Oʻz pochtasiga ega hisob](https://yandex.uz/support/id/uz/troubleshooting/blocked.md#other-mail) – agar soddalashtirilgan registratsiyadan foydalangan va boshqa xizmatdagi (Mail.ru, Rambler, Gmail va boshqa) pochtangizni loginga kiritgan boʻlsangiz. Bunday hisob haqida batafsil [Har qanday pochta bilan registratsiya](https://yandex.uz/support/id/uz/authorization/lite.md) boʻlimida tanishing. ## yandex.ru pochtasiga ega hisob bloklangan {#yandex-mail} Hisobni tiklashga yoki oʻchirishga urinish paytida bloklab qoʻygan boʻlishingiz mumkin. - **Kirishni tiklash paytida** Emailni tekshiring — u yerda Yandex yordam xizmatidan ruxsatni tiklash havolasiga ega xat bo‘lishi kerak. Agar xat kiruvchilar jildida boʻlmasa, u “Spam” jildiga tushgan boʻlishi mumkin. Hisobni blokdan chiqarish uchun xatdagi havolaga kiring. Havolaning amal qilish muddati tugagan boʻlsa, bu haqida javob xatida yozing. - **Hisobni oʻchirish paytida** Hisobni oʻchirayotganingizda u 30 kunga muzlatiladi. Bu vaqt mobaynida hisobni tiklash mumkin. Agar tavsiyalar yordam bermagan boʻlsa, [yordam xizmatiga yozing](https://yandex.uz/support/id/uz/troubleshooting/blocked.md#feedback). ## Korporativ pochtaga ega hisob bloklangan {#yandex360-mail} Korporativ pochtaga ega hisob domen administratori tomonidan yaratiladi va boshqariladi. Agar bloklash haqidagi xabarni koʻrsangiz, hisob administrator tomonidan bloklangan – sizga aynan u kirish uchun login va parol bergan. Hisobni bloklash sababini bilish va uni blokdan chiqarish uchun administrator bilan aloqaga chiqing. Blokdan chiqarish uchun u [Biznes uchun Yandex 360](https://admin.yandex.ru/) sahifasida oʻzi domenni yoqqan login yordamida avtorizatsiya qilishi kerak. HIsoblarni boshqarish haqida batafsil maʼlumot uchun [Xodimlar, boʻlinmalar va guruhlar](https://yandex.ru/support/business/accounts.html) boʻlimiga qarang. Xuddi shu sahifada yordam xizmatiga murojaat uchun shaklni topish mumkin. ## Oʻz pochtasiga ega hisob bloklangan {#other-mail} Hisob kirishni tiklash paytida bloklangan boʻlishi mumkin. Emailni tekshiring — u yerda Yandex yordam xizmatidan ruxsatni tiklash havolasiga ega xat bo‘lishi kerak. Agar xat kiruvchilar jildida boʻlmasa, u “Spam” jildiga tushgan boʻlishi mumkin. Hisobni blokdan chiqarish uchun xatdagi havolaga kiring. Havolaning amal qilish muddati tugagan boʻlsa, bu haqida javob xatida yozing. Agar tavsiyalar yordam bermagan boʻlsa, [yordam xizmatiga yozing](https://yandex.uz/support/id/uz/troubleshooting/blocked.md#feedback). ## Yordam xizmatiga yozish {#feedback} Agar taklif qilingan tavsiyalar yordam bermagan yoki sizda boshqa savollar yuzaga kelgan boʻlsa, yordam xizmatiga yozing.