Yandex hisobiga kirish
Yandex shaxsiy xizmatlaridan (pochta, disk va boshqalar) foydalanish uchun quyidagi usullardan biri yordamida hisobingizga kiring:
- xizmatda login va parolni kiriting;
- Yandex ilovasida QR kodni skanerlang;
- SMS orqlai kirishni yoqing va undan foydalaning;
- yandexning istalgan xizmatida telefon raqamini kiriting;
- tashqi kirish usullaridan foydalaning (masalan, ijtimoiy tarmoq profili);
- QR kodni skanerlang yoki Yandex Kalit ilovasidan bir martalik parolni kiriting;
- doimiy parolni kiriting, keyin esa Yandex Kalit ilovasidan yoki TOTP RFC algoritmi bazasidagi boshqa ilovadan bir martalik paroldan foydalaning yoki Yandex Kalit ilovasida QR kodni skanerlang.
Kirish usullarini sozlash
Hisobingizga qanday usullar bilan kirish mumkin bo‘lishini tanlashingiz mumkin:
-
Xavfsizlik sahifasini oching.
-
Kirish usuli bo‘limida joriy kirish usuli tugmasini bosing va tanlang:
- Parol + SMS – parol bilan kirishga qaraganda xavfsizroq. Kirish uchun avval parolni kiritish kerak, keyin esa SMS kod kiritiladi. Shunday qilib parolni bilib turib ham yovuz niyatli kishi telefoningizga kirishsiz hisobingizga yo‘l topolmaydi.
- Bir martalik parol – ishonchli usul. Kirish uchun Yandex Kalit ilovasidan bir martalik parolni kiritishingiz talab etiladi.
- Parol + bir martalik parol – eng ishonchli usul. Kirish uchun avval oddiy parolni, keyin Yandex Kalit ilovasidan yoki TOTP RFC algoritmidagi boshqa ilovadan bir martalik parolni kiritish kerak bo‘ladi.
- Oddiy parol — eng sodda usul. Kirish uchun parolni kiritish kifoya. Xavfsiz emas, chunki parolni bilib olgan yovuz niyatli kishi osonlik bilan hisobingizga kirishi mumkin.
-
Agar kerak bo‘lsa, parol kiritishni talab qilmaydigan yordamchi usullarni yoqing:
- Yandex ilovasidagi QR kod orqali kirish.
- Tashqi hisoblar orqali kirish: VKontakte, Odnoklassniki, Mail.ru, Facebook, Twitter yoki Google.
Hisoblar orasida almashish
Agar bir nechta Yandex hisobidan foydalansangiz, ular orasida login va parolni kiritmasdan almashishingiz mumkin. Buning uchun yuqori o‘ng burchakda portretni bosing va ro‘yxatdan kerakli hisobni tanlang yoki yangisini kiriting.
Bu imkoniyat qo‘llab-quvvatlanadigan boshqa Yandex xizmatlaridagi hisobni tanlashingiz ham mumkin. Tanlangan hisob asosiy hisoblanadi: u bilan siz hozircha almashish ishlamaydigan xizmatlarga kirishingiz mumkin.
Ro‘yxatga maksimal 15 ta hisob kiritish mumkin. Ro‘yxatdagi biror hisobni o‘chirish uchun uni oching va Chiqish havolasiga bosing. Joriy hisob ro‘yxatdan olib tashlanadi va siz avtomatik ravishda keyingi hisobga almashasiz.
Begona qurilmada Yandex hisobiga qanday qilib xavfsiz kirish mumkin
Yandex xizmatiga kirsangiz, parolni faqatgina uch oy yoki undan ko‘proq vaqt davomida Yandex xizmatlariga kirmagan taqdiringizda qayta kiritishingiz kerak bo‘ladi. Bu shaxsiy yoki uy kompyuterlari uchun qulay, ammo umumiy kompyuterlarda (masalan, Internet-kafeda) xavflidir: agar siz hisobdan chiqishni unutsangiz, o‘sha kompyuterning keyingi foydalanuvchisi sizning ma’lumotlaringizga kira oladi.
Hisobingizni begona kompyuterda himoya qilish uchun brauzerdagi inkognito rejimidan foydalaning.
Agar kompyuterda inkognito rejimli brauzer bo‘lmasa:
-
Shakllarni avtomatik to‘ldirish va parollarni saqlash funksiyasini faolsizlantiring.
-
Ishni boshlashdan oldin keshni tozalang va cookie-fayllarni o‘chirib tashlang.
-
Ishni yakunlaganda:
- Hisobdan chiqing — yuqori o‘ng burchakdagi portretingizni bosing va ochilgan menyuda Chiqish bandini tanlang.
- Yana bir bor keshni tozalang va cookie-fayllarni o‘chirib tashlang.
-
Agar begona qurilmada hisobdan chiqishni unutgan bo‘lsangiz, Xavfsizlik sahifasidagi Barcha qurilmalarda chiqish havolasiga kiring.