Sahifa yaratish shartlari
Tashkilot sahifasi – bu Yandex.Termalar xizmatidagi kompaniyangizning xususiy sahifasidir, unda sizning korporativ uslubingizga oid elementlar aks etadi. Bu sahifada siz va sizning xodimlaringiz kompaniyangiz faoliyati bilan aloqador mavzuli rasm termalarini joylashtirishingiz mumkin. Batafsil axborot uchun Tashkilot sahifasi nima va u nega kerak sahifasiga kiring.
Tashkilot sahifasini yaratish uchun qanday hujjatlar kerak
Sahifa yaratish – kompaniyalar oʻzlarini ommaga tanitishlari uchun bepul imkoniyatdir. Unda hech qanday pulli reklama xizmatlari mavjud emasligi tufayli hech qanday qoʻshimcha hujjatni rasmiylashtirish talab qilinmaydi. Bunda Yandex.Termalar xizmati hamkor veb-saytiga oʻtishlar soni, uning qaydlarining qamrovi va UGC hajmi borasida hech qanday kafolatni taqdim etmaydi.
Sahifani ochish shartlari
Quyidagi mezonlarga mos keladigan tashkilot yoki loyiha maxsus sahifani ochishi mumkin:
- Tashkilot ixtisosligi aniq. Kompaniya faoliyatiga oid tavsifdan u aynan nima bilan shugʻullanishini anglash mumkin.
- Kompaniya ixtisosligi Rossiya Federatsiyasi qonunlarini buzmaydi.
- Kompaniya ixtisosligiga rasman ruxsat berilgan va salbiy tomondan tanilmagan. Kompaniya faoliyatining oʻziga xosligi jamoatchilikda salbiy munosabat uygʻotmaydi, sogʻlom idrokka zid kelmaydi va u shugʻullanayotgan faoliyatning qonuniyligi shubha ostiga olinib tekshirilmaydi.
Media loyiha (blog, uyushma) yoki mashhur shaxs quyidagi mezonlarga javob bersa, u Yandex.Termalar xizmatida maxsus sahifa ochishga daʼvogarlik qilishi mumkin:
- Loyiha ixtisosligi yoki inson faoliyatining sohasi aniq.
- Yaratilayotgan kontent Rossiya Federatsiyasi qonunlariga zid kelmaydi.
- Kontent muallif tomonidan yaratilgan boʻlishi kerak. Begonalarga tegishli kontentni shunchaki jamlaydigan loyiha-agregatorlar mos kelmaydi va qabul qilinmaydi. Bunga boshqa resurslardan axborot jamlab, dayjest vazifasini bajaradigan yangilik resurslari va shu kabi loyihalar ham kiradi.
- Kontent muntazam asosda yaratiladi. Haftada eng kamida sifatli va qamrovli matndan iborat bitta noyob mualliflik qaydi nashr etilishi kerak.
- Kontent sifatli boʻlishi kerak. Nashrlar dolzarb, yangi bilim yoki axborotga ega boʻlishi yoki biror mahsulot, media hosilasi, hodisa, voqea va boshqalarning sifatli tahlillaridan tashkil topishi lozim.
Tashkilotning mavjud sahifasi nima uchun bloklanishi mumkin
- Tashkilot sahifasida jamlanadigan termalar sifat mezonlariga mos emas.
- Termalardagi tasvirlar, havolalar va boshqa materiallar haqoratomuz mazmunga ega.
- Termalardagi tasvirlar, havolalar va boshqa materiallar Rossiya Federatsiyasi qonunlariga zid boʻlgan aniq yoki yashirin siyosiy chaqiriqlar, ekstremistik materiallar yoki boshqa kontentlardan iborat.
- Oʻtgan oyda kompaniya sahifasida birorta terma yaratilmagan.