---
metadata:
  - name: generator
    content: Diplodoc Platform v5.50.6
alternate:
  - https://yandex.uz/support/browser/en/security/virus-protection.md
  - https://yandex.uz/support/browser/kk/security/virus-protection.md
  - https://yandex.uz/support/browser/ru/security/virus-protection.md
  - https://yandex.uz/support/browser/tr/security/virus-protection.md
  - https://yandex.uz/support/browser/uz/security/virus-protection.md
keywords:
  - Viruslardan himoya qilish.
  - Sahifalardagi viruslarni tekshirish.
  - Yandex brauzer viruslarni tekshirish.
  - Xavfli sahifalarni bloklash.
  - Xavfli saytlarni bloklash.
  - Yandex brauzerda xavfli sahifalarni bloklash.
  - Yandex brauzerda bloklash qanday amalga oshiriladi.
  - Yandex brauzer himoyasini faolsizlantirish.
  - Yandex brauzer sahifalarini bloklashni qanday faolsizlantirish mumkin.
  - Sahifalar bloklanishini qanday yoqish mumkin yandex brauzer.
---
> **Documentation Index:** Fetch the complete configuration index at https://yandex.uz/support/browser/uz/llms.txt




# Protect: xavfli sahifalarni bloklash

<!--По этому разделу написаны фактовые ответы. Если раздел обновился, не забудьте проверить и обновить ответы в файле fact-answers.yaml.-->

{% note alert %}

[Yandex.Brauzer](https://browser.yandex.uz/) xavfli saytga oʻtish haqida ogohlantiradi, lekin u mukammal antivirus mahsuloti hisoblanmaydi. Shu bilan birga, Protect texnologiyasi Brauzerni antivirus bloklamaydigan kompyuter [tahdidlaridan](https://yandex.uz/support/browser/uz/security/protection.md) himoya qiladi. To‘liq himoya qilish uchun ikkalasini ham ishlatishni tavsiya etamiz.

{% endnote %}


## Nima uchun Brauzer zararlangan sahifalarni bloklaydi {#why}

Zararli niyatli shaxslar kompyuterning ishlashiga xalaqit beruvchi zararli dasturlarni tarqatadi, axborotni oʻgʻirlaydi, oʻzgartiradi yoki oʻchirib tashlaydi. Xavfli dasturlar kompyuterga almashtiriladigan ma’lumot tashish vositasi yoki internet orqali kirib boradi. Brauzer sizni internet orqali tarqatiladigan zararli dasturlardan himoya qiladi.

Agar sahifa zararli DT bilan zararlangan bo‘lsa, Brauzer sizni bu haqida ogohlantiradi.

## Bloklash qanday amalga oshiriladi  {#how-working}

Sahifani ochishdan oldin Brauzer uni zararlangan virusli sahifalar ro‘yxati bilan solishtiradi. Ularning manzillari ham Yandex, ham hamkorlarimiz tomonidan to‘ldiriladigan maxsus ma’lumotlar bazasida saqlanadi. Ma’lumotlar bazasida topilgan sahifa bloklanadi.

Agar ma’lumotlar bazasida xavfli sahifa topilmasa, lekin Brauzer uni xavfli deb hisoblasa, sahifaning asosiy belgilari Yandex serveriga yuboriladi hamda u yerda [mashinaviy oʻrganish](https://uz.wikipedia.org/wiki/Mashina_oʻrganuvi) algoritmlari yordamida batafsil tekshiruv amalga oshiriladi. Agar sahifa xavfli deb topilsa, u bloklanadi va siz ogohlantirishni koʻrasiz. Quyidagilarni bajara olasiz:

- **Sahifani yopish**. **Sahifadan chiqish** tugmasini bosing.
- **Sahifaning virus tushishidan oldingi nusxasini ochish**. **Xavfsiz nusxa** tugmasini bosing.
- **Zararli dastur haqida ma’lumotni aniqlashtirish**. Zararlanish haqida to‘liq ma’lumotga ega sahifaga o‘tish havolasi.
- **Xavfli sahifaga o‘tish**. **Bu ogohlantirishni rad etish** tugmasini bosing.

{% note alert %}

Xavfli kontentga ega saytga kirmaslikni qat’iy tavsiya qilamiz. Zararli kod kompyuteringizni zararlashi yoki zararli niyatli shaxslarga [shaxsiy maʼlumotlaringiz](https://yandex.uz/support/common/uz/security/phishing.html) va elektron toʻlovlaringizga kirish imkonini berishi mumkin.

{% endnote %}

![](../_image/site-virus.png =1000x)

## Agar xavfli sahifani ochish kerak bo‘lsa {#additional}

Xavfsizlik choralarini koʻring:

- Brauzerning potentsial zaif qismlariga razm solish vaqtida faolsizlantiring: [JavaScript](https://yandex.uz/support/browser/uz/troubleshooting/safety.md#javascript-off).
- Sahifaga tashrif buyurgandan keyin kompyuteringizni antivirus yoki  [bepul dasturiy vositalar](https://yandex.uz/support/common/uz/security/antiviruses-free.html) yordamida tekshiring.

Ushbu chora-tadbirlar zararlanishdan himoya qilmaydi, balki uning ehtimolini kamaytiradi va oqibatlarini yo‘q qilishga yordam beradi.


## Antiviruslar bilan o‘zaro munosabat {#conflict}

Brauzer himoya mexanizmi boshqa himoya ilovalari (antivirus va brandmauerlar) bilan ixtilofga kirmaydi. Agar tizimda antivirus o‘rnatilgan bo‘lsa, u zararli dasturlarni Brauzerdan oldin aniqlay oladi. Bunday holda Brauzerning emas, antivirus xabarini ko‘rasiz.


## Agar Brauzer saytingizni bloklasa {#if-site-blocked}

Agar Brauzer saytingizni zararli deb topgan va bloklagan boʻlsa, zararli kodni oʻchirib tashlang. Keyingi indekslashda Yandex roboti saytingizni xavfli ro‘yxatdan chiqarib tashlaydi.

Indekslash jarayonini tezlashtirish uchun siz [Yandex Vebmaster](https://webmaster.yandex.uz/welcome/) xizmatdan foydalanishingiz mumkin. Buning uchun [Xavfsizlik va qoida buzilishlari](https://webmaster.yandex.uz/site/diagnosis/threats/) sahifasida **Qaytadan tekshirish** tugmasini bosing. Zararlangandan keyin bir nechta hafta ichida tekshirishni takrorlashni tavsiya qilamiz. Bu zararli DT birinchi marta butunlay olib tashlanmagan bo‘lsa, ularni aniqlashga yordam beradi.

Veb-saytingiz zararlanmasligi uchun quyidagi xavfsizlik qoidalariga amal qiling. Agar saytni Yandex Vebmaster xizmatida registratsiya qilsangiz, pochtangizga saytning zararlangani haqida xabar yuborilishi mumkin hamda [Xavfsizlik va qoida buzilishlari](https://webmaster.yandex.uz/site/diagnosis/threats/) sahifasida zararlangan sahifalar haqida batafsil maʼlumot olishingiz mumkin.


## Himoyani faolsizlantirish {#switch-off}


{% note alert %}

Agar xavfli sahifalar bloklanishini o‘chirishni xohlasangiz, Brauzerda zararli sayt va dasturlardan himoyani to‘liq o‘chirib qo‘yishingiz kerak bo‘ladi. Biz bunday qilmaslikni qat’iyan tavsiya qilamiz.

{% endnote %}


Xavfli sahifalar bloklanishini o‘chirish uchun:

<!-- source: uz/_includes/reusables/instrukcii/id-instrukcii/turn-off-sending-security-info.md -->
1. **<svg xmlns="http://www.w3.org/2000/svg" width="22" height="22" viewBox="0 0 22 22" fill="none"><title>Настройки Яндекс Браузера</title><path d="M4 16.4091C4 16.0827 4.26117 15.8182 4.58333 15.8182H17.4167C17.7388 15.8182 18 16.0827 18 16.4091C18 16.7354 17.7388 17 17.4167 17H4.58333C4.26117 17 4 16.7354 4 16.4091Z" fill="currentColor"/><path d="M4 10.5C4 10.1736 4.26117 9.90909 4.58333 9.90909H17.4167C17.7388 9.90909 18 10.1736 18 10.5C18 10.8263 17.7388 11.0909 17.4167 11.0909H4.58333C4.26117 11.0909 4 10.8263 4 10.5Z" fill="currentColor"/><path d="M4 4.59091C4 4.26456 4.26117 4 4.58333 4H17.4167C17.7388 4 18 4.26456 18 4.59091C18 4.91726 17.7388 5.18182 17.4167 5.18182H4.58333C4.26117 5.18182 4 4.91726 4 4.59091Z" fill="currentColor"/></svg>** → **Sozlamalar** tugmasini bosing.

1. Sahifaning yuqori qismidagi **Xavfsizlik** varagʻini oching.

1. **Tahdidlardan himoya qilish** boʻlimida **Kirib chiqilgan saytlar va yuklab olingan fayllarning xavfsizligini tekshirish** va **Shubhali fayllar va saytlar haqidagi ma’lumotlarni Yandexga yuborish** parametrlarini faolsizlantiring.
<!-- endsource: uz/_includes/reusables/instrukcii/id-instrukcii/turn-off-sending-security-info.md -->

Qaytarib xavfli sahifalarni bloklashni faollashtirish uchun xuddi shu narsani bajaring va variantni yoqing **Tashrif buyurilgan saytlar va yuklab olinadigan fayllar xavfsizligini tekshiring**.


#### Batafsil maʼlumot

- [Sahifalarni almashtirish virusi](https://yandex.uz/support/common/uz/security/phishing.html#ways__fake-sites)



<a href="uz/support/support">
<span class="button">Yordam xizmatiga yozish</span>
</a>


<!-- source: uz/_includes/black-button-styles.md -->



<!-- endsource: uz/_includes/black-button-styles.md -->