Деректерді сақтау

Деректеріңізді бүкіл құрылғыларыңыздан пайдалану үшін сақтап отырыңыз.

Деректерді не үшін сақтау керек?

Деректер сіздің Яндекс ID-ге тіркелген аккаунтыңызға автоматты түрде сақталып отырады және Яндекс Браузер орнатылған бүкіл құрылғыларыңыздан (компьютер, смартфон, планшет) қолжетімді.

Құпиясөздер мен карталар, бетбелгілер, жеке деректер, ашық қойындылар мен қойынды топтары, Браузер тарихы, Тақта, кеңейтімдер мен баптаулар сақталады.

Деректерді сақтау және алмасу сізге мынадай мүмкіндіктер береді:

• бүкіл құрылғыларда құпиясөздер менеджерін қолдану (құпиясөздерді автоматты түрде қою, құпиясөздерді шифрланған қоймада сақтау, егер сіз мастер-құпиясөзді ұмытып қалсаңыз, сайтқа кіруді қалпына келтіру);

• бүкіл құрылғыларда қойындылар мен қойындылар топтарын (егер оларды топтар мәзірінде бұлттық еткен болсаңыз), тарихты және бетбелгілерді қарау;

• құрылғыңыз жоғалып немесе істен шыққан жағдайда да, құпиясөздер, бетбелгілер, Тақта, қойындыларды және Браузердің баптауларын қалпына келтіру.

Сіз сақталатын деректер тізімін кез келген сәтте өзгерте аласыз.

Деректер қаншалықты жиі сақталып отырады?

Деректер сіз оларды өзгерткен сайын сақталып отырады. Мысалы: сіз құрылғыға бетбелгі қосасыз — Браузер оны серверге жібереді және басқа құрылғыларда жасаған барлық өзгерістеріңізді бір уақытта жүктейді (соңғы сақталған сәтінен бастап).

Бұл қауіпсіз бе?

Иә, сіздің деректеріңіз қорғалған. Деректерді аралық сақтау үшін Яндекс сервері қолданылады, онда ақпарат қорғалған арна бойынша, ал құпиясөздер шифрланған түрде беріледі. Сервердегі деректер авторлану жүйесімен қорғалған.

Деректерді сақтауды қалай қосу керек?

Деректер сіздің аккаунтыңызға мына жағдайларда автоматты түрде сақталып отырады:

• Барлық құрылғыларда (компьютер, смартфон, планшет) Яндекс Браузер орнатылған.

• Барлық құрылғыларда Яндекс ID-ге тіркелген бірдей аккаунт қолданылады.

Сақтау және алмасу үшін деректер тізімін өзгерту

1. Оң жақ жоғарғы бұрыштағы өз профиліңіздің портретіне → Менің Браузердегі профилім тармағына басыңыз.

2. Менің профилім терезесінде Деректерді басқару тармағын басыңыз.

3. Опцияларды сіздің құрылғыларыңыздың арасында тек қажетті деректер жіберіліп отыратындай етіп баптаңыз:

   • Егер баптау қосылған болса, деректер сіздің барлық құрылғыңыздан қолжетімді болады.
   • Егер баптау сөндірулі болса, деректер тек осы құрылғыда сақталады.

Сақталған деректерді өшіру

Деректерді осы құрылғыдан қалай өшіруге болады:

1. Оң жақ жоғарғы бұрыштағы өз профиліңіздің портретіне → Менің Браузердегі профилім тармағына басыңыз.

2. Менің профилім терезесінде Деректерді басқару тармағын басыңыз.

3. Осы құрылғыдағы профильді өшіру тармағын таңдаңыз.

4. Осы құрылғыдағы профильді өшіру керек пе? терезесінде Өшіру батырмасын басыңыз.

Осыдан кейін сіздің бүкіл деректеріңіз осы құрылғыдан өшіріледі. Бұл ретте деректер сіздің Яндекс ID-ге тіркелген аккаунтыңызда қалады. Сіз оларды аккаунтқа қосылған профильді қайта қосқан кезде кез келген құрылғыдан пайдалана аласыз.

Деректерді Яндекстен қалай өшіруге болады:

1. Оң жақ жоғарғы бұрыштағы өз профиліңіздің портретіне → Менің Браузердегі профилім тармағына басыңыз.

2. Менің профилім терезесінде Деректерді басқару тармағын басыңыз.

3. Яндекс ID аккаунтындағы деректерді өшіру батырмасын басыңыз.

4. Яндекс ID аккаунтындағы деректерді өшіру керек пе? терезесінде Деректерді өшіру батырмасын басыңыз.

Осыдан кейін сіздің деректеріңіз серверден өшіріледі және тек сіздің аккаунтыңызға тіркелген құрылғыларда қалады.

Қолдау қызметіне жазу