Kontentni qisman bloklash

Ba’zan xavfsiz hisoblangan sahifalarda zararlangan manbalarga bog‘langan elementlar (bannerlar, skriptlar va hokazo) yoki mayning skriptlari mavjud bo‘lishi mumkin. Mobil Yandex Brauzeri bunday elementlarni bloklaydi. U Yandex va hamkorlarimiz tomonidan to‘ldirib boriladigan ma’lumotlar bazasidan xavfli resurslar haqidagi ma’lumotlarni oladi.

Mayning skriptlarini bloklash

kriptovalyutalar (masalan, bitkoinlar) emissiyasi uchun mayning qo‘llanadi. Kompyuter hisob-kitoblarni amalga oshiradi, buning uchun egasi kriptovalyutada mukofot oladi.

Yashirin mayningda hisob-kitoblar uchun begona kompyuterlar va mobil qurilmalardan foydalaniladi. Bunday holatda mayning kodi veb-sayt sahifalariga JavaScript shaklida yashirincha joylashtiriladi. U xotirani to‘ldiradi, batareya quvvatini sarflaydi, planshet elementlarini qizdiradi.

Maynerlar planshetingiz resurslari yordamida pul ishlashining oldini olish maqsadida mobil Yandex Brauzer mayning veb-saytlaridan skriptlar yuklanishini bloklaydi. Brauzerga notanish skriptlar ham bloklanadi. Brauzer veb-saytlar protsessorga yaratayotgan yuklamani o‘rganadi va bu ma’lumotlar yordamida ilgari noma’lum bo‘lgan mayning skriptlarini bloklaydi.

Mayningni bloklashni bekor qilish uchun reklamani filtrlashni o‘chiring.